Lookism

Asar bosh qahramoni Daniel Park (Park Hyung Seok) ismli semiz va ko‘rinishi sabab doim kamsitiladigan maktab o‘quvchisi haqida. U maktabdagi zo‘ravonliklardan charchab, yangi maktabga o‘tishga qaror qiladi. Bir kuni esa u mo‘jizaviy tarzda ikkita tanaga ega bo‘lib qoladi: biri eski semiz tanasi, ikkinchisi esa juda chiroyli, kelishgan va kuchli tana.

Daniel kunduzlari chiroyli tanada yashab, odamlarning unga yaxshi munosabatda bo‘lishini ko‘radi. Kechalari esa eski tanasiga qaytib, jamiyatdagi haqiqiy diskriminatsiyani his qiladi. Shu orqali hikoya insonlarni tashqi ko‘rinishiga qarab baholash, bullying, do‘stlik, jinoyatchilik va jamiyatdagi adolatsizliklarni ko‘rsatadi.